अपडेट: धनकुटाको उत्तरपानीमा बुलेरो दुर्घटना हुँदा १ को घटना स्थलमै मृत्यु, ११ जना घाइते मध्ये ४ को अबस्था गम्भिर
धनकुटा खबर, जेठ २९ । धनकुटाको उत्तरपानी स्थित यात्रुबाहक बुलेरो जिप दुर्घटना हुंदा एक जनाको मृत्यु भएको छ भने अन्य ४ जना गम्भिर घाईते भएका छन् ।
बेलुकी ५:३० बजे हिलेबाट छिन्ताङ्ग तर्फ जाँदै गरेको को १ ज २०७७ नं.को बुलेरो दुर्घटना हुंदा धनकुटा नगरपालिका ९ मार्गा निवासी ७० बर्षिया तुलाराम बरालको घटना स्थलमा नै मृत्यु भएको प्रहरीले जानकारी दिएको छ ।
प्रारम्भिक समाचार हेर्न यहाँ क्लिक गर्नुहोस् -> धनकुटाको उत्तरपानीमा यात्रुबाहक बुलेरो जिप दुर्घटना, १ जनाको मृत्यु, २ जना गम्भिर घाईते
अनियन्त्रित भई सडकबाट करिव ४० मिटर तल खेतमा जिप झरेको थियो । १५ जना जना सवार बुलेरो दुर्घटनामा घाईते भएका ११ मध्ये ४ जनाको अबस्था गम्भिर रहेको प्रहरीले जानकारी दिएको छ ।
दर्घटनामा परी खाल्सा छिन्ताङ्ग शहिदभुमी वडा नं.५ की ६७ बर्षिया अम मायाँ राई र छिन्ताङ्ग २ का ८५ बर्षिया देउध्वज राईको अबस्था गम्भिर भएको प्रहरीले जानकारी दिएको छ ।
त्यस्तै नाम वतन खुल्न नसकेको अन्दाजी २२ बर्षकी एक युवती र ४५ बर्षिकी एक महिलाको पनि गम्भिर घाईते रहेको धनकुटा प्रहरीका प्रहरी उपरीक्षक सुदिपअधिराज भण्डारीले जानकारी दिनुभयो ।
घाईते हुनेहरुमा छिन्ताङ्ग ९ की सुजना राई छिन्ताङ्ग ४ का प्रेम बहादुर राई बिश्व राई, छिन्ताङ्ग ५ की निर्मला राई,हरि प्रसाद राई र डम्बर बहादुर राई, र छिन्ताङ्ग ६ की लक्ष्मी राई रहेका छन् ।
घाईतेहरुको धनकुटा र हिले अस्पतालमा उपचार गरिएको र फरार सवारी चालको खाजिभईरहेको प्रहरीले बताएको छ ।
