“रक्तदान गरौँ, अहिले गरौँ, समय समयमा गरौँ” भन्ने नाराका साथ हिलेमा १ सय १२ पाउण्ड रगत संकलन गरियो
धनकुटा खबर, जेष्ठ ३१ । आज जुन १४ तारिख अर्थात विश्व रक्तदाता दिवस विभिन्न कार्यक्रम गरी मनाइएको छ । ‘रक्तदान गरौँ, अहिले गरौँ, समय समयमा गरौँ’ भन्ने नाराका साथ देशभर विश्व रक्तदाता दिवस मनाईएको हो ।
दिवसको अवसरमा हिले व्याड्मिण्टन क्लव हिलेले पनि रगत संकलन गरेको छ । व्याडमिण्टन क्लव हिलेको आयोजना तथा नेपाल रेडक्रस शोसाईटी धनकुटाको सहयोगमा आयोजीत रगत संकलन कार्यक्रममा १ सय १२ पाउण्ड रगत संकलन भएको छ ।
संकलीत रगत रेडक्रसको व्लड डोनेशन केन्द्र धरान पठाईएको नेपाल रेडक्रस शोसाईटी हिले उपशाखाका सभापति धिरेन थिङ्गले जानकारी दिनुभयो । मानव रक्त समूह पत्ता लगाउने वैज्ञानिक डा कार्ल ल्याण्ड स्टिनरको जन्मदिन जुन १४ को सम्झनामा सन् २००४ देखि विश्व रक्तदाता दिवस मनाउन सुरु गरिएको हो ।
नेपाल सरकारको निर्णयबाट नेपाल रेडक्रस सोसाइटीले २०२३ साल साउन १२ गतेदेखि संस्थागत रुपमा रक्तसञ्चार कार्यक्रमलाई सञ्चालन गर्दै आएको छ ।
