२ नम्बर प्रदेशमा काँग्रेस हार्ने निष्कर्षमा पुगेपछि चुनाव मिति सारिएको हो : महासचिव पोखरेल
काठमाडौं, २ असार । एमाले महासचिव ईश्वर पोखरेलले दुई नम्बर प्रदेशमा काँग्रेस हार्ने निष्कर्षमा पुगेपछि निर्वाचनको मिति सारिएको आरोप लगाएका छन् ।
शुक्रबार प्रेस चौतारी नेपालले राजधानीमा गरेको कार्यक्रममा उनले यस्तो बताएका हुन् । पोखरेलले काँग्रेसले राजपा र माओवादी केन्द्रलाई झुक्याएको टिप्पणी गरे ।
निर्वाचनको मिति सार्ने सरकारको निर्णय संविधान र निर्वाचनको मूलभूत मान्यता विपरीत भएको उनले बताए ।
उनले निर्वाचन आयोगको सहमति विपरीत निर्वाचनको मिति सारिएको र राजपाले पनि उक्त निर्णयमा फरक धारणा राखेको बताउँदै भने, ‘प्रतिपक्षीलाई त सेयरिङसमेत गरिएन ।’
