एमाले धनकुटाको घरदैलो कार्यक्रम हिलेमा, कांग्रेस परित्याग गरी ठकुरी एमालेमा प्रवेश
धनकुटा खबर, असार १० । नेकपा एमालेले आज धनकुटा नगरपालिका वडा नं १ हिलेमा चुनावी घरदैलो कार्यक्रम सञ्चालन गरेको छ ।
पूर्व सांषद गोपाल गुरागाई,मेयर उम्मेद्धार चिन्तन तामाङ्ग,उपमेयर उम्मेद्धार सकुन्तला वस्नेत र वडाध्यक्ष उम्मेद्धार निरेन तामाङ्ग सहित अन्य उम्मेद्धारहरुको सहभागीतामा सञ्चालित घर दैलो अभियान अन्र्तगत कुवापानी, हिले वजार, थिङ्गटोल लगायतको स्थानमा नेताहरुले घर घरमा गई जनता समक्ष भोट मागेका छन् ।
घरदैलो अभियान माईक्रो स्टेनमा आएर सभामा परिणत भएको थियो । सभालाई सम्वोधन गर्दै पार्टीका नेताहरुले हिलेको विकासका लागि स्थानीय तहको निर्वाचनमा एमालेले जित्न आवश्यक रहेको वताउदै सूर्य चिन्हमा मत दिई निर्वाचनमा एमालेलाई विजयी गराउन आग्रह गरेका छन् ।
सभामा नेपाली कांग्रेस परित्याग गरी चोक वहादुर ठकुरी नेकपा एमालेमा प्रवेश गरेकाछन् ।
