यी हुन सामाखुसीको नालीमा डुबेकी सत्या, यस्तो छ उनको सपना ! (भिडियो सहित)
काठमाडौं । राजधानीको सामाखुसी चोकमा पानीले भरिएको सडकको नालीमा एक बालिका झुक्किएर डुबिन् । डुबेको केही समयमै उनी नालीमा बग्दै केही तलसम्म पुगिन्। उनको सकुशल उद्दार भयो । संयोगले यो दृश्य भिडियोमा कैद भयो। सुशीला मगरले भिडियो कैद गरेकी हुन् । उनले त्यो भिडियो फेसबुकमा अपलोड गरेपछि सामाजिक संजाल र मिडियाहरुमा भिडियो भाइरल बन्यो । भिडियो भाइरल बनेसँगै ती बालिका को हुन् भन्ने विषयमा अत्याधिक चासो बढ्यो ।
त्यसरी सडक छेउको नालीमा झुक्किएर दुर्घटनामा पर्ने बालिका हुन्– गुल्मी घर भएकी सामाखुसीबस्ने सत्या सापकोटा । ९ कक्षामा अध्ययनरत बालिका सत्या अहिले सकुशल छिन् ।
शनिबार बिहान उनी दुर्घटनाको मानसिक तनावबाट मुक्त हुनको लागि चन्द्रागिरी गइन् । त्यहाँबाट फर्किएपछि उनी अहिले घरमै फ्रेस छिन् । उनी अहिले सामान्य अवस्थामा फर्किंदै गरेको र आइतबारदेखि स्कुल जाने तयारीमा छिन् । ठूलो दुर्घटनामा परेर पनि मृत्युलाई जितेकी बालिका सत्याको सपना छ – भविष्यमा कुशल पत्रकार बन्ने ।
दुर्घटनाको भोलिपल्ट शनिबार उनलाई भेट्न उनी भाडामा बस्ने घरमा पुगेको डिसीनेपालको टोलीसँग उनले आफ्नो अनुभव सुनाउँदै ठट्यौली पारामा भनिन् ‘अब त मलाई हाइड्रोफोबिया (पानीसँग डर लाग्ने रोग) होला जस्तो छ ।’
सत्याले आफू भाग्यवश बाँच्न सफल भए पनि सबैलाई भाग्यले साथ नदिने भन्दै सडकको दुरावस्था सुधार गर्न सुझाव दिएकी छिन् । उनले नेपालमा आलोपालो प्रधानमन्त्री हुने प्रणालीप्रति पनि गुनासो गरिन् । प्रस्तुत छ सत्यासँगको डिसी नेपाल संवाद शो ।
https://youtu.be/Vh4py8MBL9k
