प्रयोगकर्तालाई धनि बनाउने फेसबुकको योजना : आफ्नै भिडियो अपलोड गर्नुस पैसा कमाउनुस
युट्युबलाई टक्कर दिने फेसबुकको योजना
विश्वु चर्चित सामाजिक सञ्जाल फेसबुकले नयाँ भिडियो प्लेटफर्म सार्वजनिक गरेको छ ।
उपभोक्ताको मागलाई मध्यजनजर गर्दै फेसबुकले उक्त भिडियो प्लेटफर्म सार्वजनिक गरेको हो ।
यो सुविधासँगै गुगलको युट्युबलाई फेसबुकले टक्कर दिने दाबी गरेको छ । सुरुमा सार्वजनिक गरेको फेसबुकको भिडियो प्लेटफर्म सानो समूहका लागि मात्र लक्षित गरिएको छ ।
प्लेटफर्ममा नेट फ्लिक्स र अमेजनलाई समेत साझेदारीमा भिडियोको लागि ठाउँ उपलब्ध गराउने फेसबुकले जनाएको छ । यो प्लेटफर्ममा युट्युबमा जस्तै क्रिएटिभ भिडियो प्रोग्राम बनाउन सकिनेछ ।
फेसबुक एन्ड्रोइड र आईओएस एमा अहिले एउटा भिडियो ट्याब हुन्छ जसलाई यो नयाँ फिचरले विस्थापित गर्नेछ । नयाँ भिडियो प्लेटफर्म सार्वजनिक समारोहमा फेसबुकले प्रसिद्ध च्याननल नास डेलीको भिडियो समेत देखाएको थियो ।
अब फेसबुकले मिडिया पब्लिसर्सलाई समेत ठाउँ दिने जनाएको छ । फेसबुकले यो नया प्लेटफर्मको नाम ‘वाच’ राखेको छ । यसको सिम्बोल एउटा धारिलो तरबार जस्तो छ ।
यो प्लेटफर्ममा भिडियो फिचर, एप्स तथा टीभी एप्ससमेत उपलब्ध गराइनेछ ।
फेसबुकले यो एप्सलाई अमेरिकामा परीक्षणका गर्न बताइएको छ । यसका लागि प्रयोगकर्ता आफैंले खिचेको सक्कली भिडियो राख्नुलपर्नेछ । फेसबुकले यसको लागि बजेटसमेत छुट्याउने तयारी गरेको छ ।
यसबाट के फाइदा हुन्छ भन्नेक प्रश्नकमा फेसबुकले भिडियोको वाचलिस्ट बनाउनेछ र पछि प्रयोगकर्तालाई हेरेको आधारमा रकम उपलब्ध गराउनेसमेत जनाएको छ ।
भिडियोलाई वर्गीकरणसमेत गरिने भएको छ । प्रयोगकर्ताले कुन भिडियो बढी हेर्न चाहन्छन् वा हेरिरहेका छन् भन्नेक पत्ता लगाउन यसले मद्दत गर्नेछ । फेसबुकको यो फिचर एसियाली मुलुकमा भने सन् २०१८ सम्मामा मात्रै उपलब्ध हुने अनुमान गरिएको छ ।
– अन्नपूर्णपोस्ट
