मधेस जान डराएकै हुन् त केपि ओलि ? मौन अवधि सुरु हुने दिननै किन पुगे मधेस ?
काठमाडौं । नेकपा एमालेका अध्यक्ष केपी शर्मा ओलीले प्रदेश नम्बर दुईको निर्वाचनका प्रचार प्रसारका लागि तराई मधेस झर्ने कार्यक्रम छोट्याइएको छ । अब उनी एक दिनका लागि त्यो पनि २–३ घण्टा सुरक्षित स्थानमा आयोजित दुईवटा मात्रै चुनावी सभालाई सम्बोधन गर्नेछन् ।
अध्यक्ष ओली मधेस झर्दा मधेसी जनता प्रतिकारमा उत्रिने र यसले हिंसा भड्किई अहिले बनेको माहोल समेत विग्रिने देखेपछि मधेस झर्ने निर्णयबाट ओली पछि हटेका हुन् । एमाले सचिव प्रदीप ज्ञवालीले ओलीको मधेस यात्रा छोट्याइएको बताए ।
उनका अनुसार ओली निर्वाचन प्रचारका लागि मौन अवधि सुरु हुनभन्दा केही घन्टा अघिमात्र भदौ ३० गते मधेस झर्दैछन् । निर्वाचन कार्य तालिकाअनुसार ३० गते मध्य रातदेखि मौन अवधि सुरु हुनेछ । त्यही दिनमा ओलीले बारा र आसपासका जिल्लामा चुनावी सभालाई सम्बोधन गर्नेछन् ।
यसअघि पहिलो र दोस्रो चरणको निर्वाचनमा एकैदिन तीन स्थानका सभालाई सम्बोधन गरेर रकेर्ड बनाएका ओली तेस्रो चरणको प्रदेश २ को स्थानीय चुनावमा मधेसी जनताको डरले अहिलेसम्म मधेस झरेका छैनन् । र, सुरक्षा प्रबन्ध मिलाएर मौन अवधि सुरु हुनुअघि एक दिनका लागि मात्रै सहभागी भएको देखाउन बारा जाँदैछन् ।
संविधान संशोधनको विरोध, मधेसीलाई विहारी, आँप, माखे सांग्लोजस्ता होच्याउने शब्द प्रयोगका कारणले मधेसमा एमालेभन्दा बढी ओली निशानामा छन् । त्यसैकारण अहिले ओली मधेस झर्ने आफ्नो निर्णयबाट पछि हट्न बाध्य भएका छन् ।
https://youtu.be/wJ07k0GPshs
