धनकुटाबाट तीन जना गरि कोशीमा लागू औषध सहित ८ जना पक्राउ
विराटनगर, कार्तिक १३ गते । झापा, मोरङ, सुनसरी र धनकुटाबाट लागू औषध सहित ८ जनालाई पक्राउ गरिएको छ ।
कार्तिक १२ गते मोरङको इलाका प्रहरी कार्यालय मधुमल्लाले चेकजाँचको क्रममा मिक्लाजुङ गाउँपालिका- ७ का कुशल दाहाल र शिवसताक्षी नगरपालिका- ८ का सन्तोष सार्कीलाई ५४० मिलिग्राम ब्राउन सुगर सहित पक्राउ गरेको छ ।
यसै गरी प्रहरी चौकी इटहराले उर्लाबारी-९ का प्रताप बिश्वकर्मलाई २० ग्राम गाँजा सहित र झापा दमक- ४ का सुमन सुवेदीलाई ट्रामाडोल- ६६ क्याप्सुल र स्पास्पेन ८६ ट्याबलेट सहित नियन्त्रणमा लिएको छ ।
त्यसै गरी झापाको इलाका प्रहरी कार्यालय सुरुङगाले कन्काई नगरपालिका- ४ का संजय चौधरीलाई ७७० मिलिग्राम ब्राउन सुगर सहित, धनकुटाको प्रहरी चौकी हिलेले धनकुटा नगरपालिका-१ का शिसिर बस्नेत र पाख्रीबास नगरपालिका- ५ का सुरज तामाङलाई २ ग्राम ब्राउन सुगर सहित र इलाका प्रहरी कार्यालय भेडेटारले साँगुरीगढी गाँउपालिका- ४ का डम्बर इवा लिम्बुलाई १० किलोग्राम गाँजा सहित उनकै घरबाट पक्राउ गरेको छ ।
