लाइभ प्रशारण हुन नसकेपछि ‘कतार आइडल’ भन्दै नेपाल आइडलको उडाइयो धज्जी
काठमाडौं, ६ भदौ । चर्चित रियालीटी सो नेपाल आइडलको ग्राण्ड फिनालेको लाइभ प्रशारण हुन नसकेपछि सामाजिक सञ्जालमा चर्को टिप्पणी भएको छ ।
एपीवाट टेलिभिजनले ग्राण्ड फिनाले कतारको सनायमा ८ः ४५ बजे हुने भनेर काउन्ट डाउन गरेको थियो । काउन्ट डाउन सकिएपछि कबि विप्लव प्रतिकसँग टक सुरु सुरु गरियो भने पटक पटक एकैछिनमा सो सुरु हुने भन्दै सबा ११ बजेसम्म दर्शकलाई भुलाइयो । तर पनि सो सुरु भएन । बरु टेभिभिजनले प्राविधिक कारण देखाउँदै लाइभ प्रशारण गर्न नसकिएको र प्रयास जारी रहेको जानकारी थियो । सोलगत्तै दशैंका गीत र विज्ञापन बनाउने काम भयो ।
एपीवानले आफूलाई नेपालको एक नम्बर च्यानल दाबी गर्दै आएको बेला सामाजिक सञ्जालमा दर्शक झुक्याएको भन्दै कडा आलोचना भएको छ ।
नेपाल आइडल भएपनि कतारमा असफल ग्राण्ड फिनाले गराइएको भन्दै सामाजिक सञ्जालमा ‘कतार आइडल’ भन्दै धज्जी उडाइएको छ । सामाजिक सञ्जाल कतार आइडलबारे अनेकौ प्रतिक्रियाले रंगिएका छन् । स्मरण सहोस्, बरु कतारमा रहेका नेपालीहरुले छिटपुट रुपमा ग्राण्ड फिनालेको लाइभ गरेका छन् ।
