फ्रान्सको पेरिसमा भेटियो मोनालिसाको नाङ्गो तस्वीर !
लियोनार्दो दा भिन्चीले बनाएको मोनालिसाको मन्द मुस्कानवाला तस्वीर हामी सबैले देखेकै छौँ । यो तस्वीरमा मोनालिसाको हाँसाको रहस्य पत्ता लगाउनै रस्साकस्सी भैरहेको बेला मोनालिसाको अर्को तस्वीरको रहस्य फेला परेको छ ।
हालै फ्रान्सको पेरिसमा उनै मोनालिसाको निर्वस्त्र स्केच तस्वीर पत्ता लागेको छ ।
कोइलाको सहायताले तयार पारिएको उक्त महिलाको निर्वस्त्र स्केच समेत लियोनार्दोदा भिन्चीले बनाएको र मोनालिसाकै भएको दाबी खोजकर्ताहरुले गरेका छन् ।
यो स्केच फ्रान्सको कोन्डे म्युजियममा सन् १८६२ देखि राखिँदै आएको छ । उक्त स्केचको हालै पेरिसस्थित लाउभ्रे म्युजियममा परीक्षण गरिएको थियो ।
खोजकर्ताहरुका अनुसार लियोनार्दोले मोनालिसाको चर्चित तैलचित्र बनाउनु अगाडि तयारीस्वरुप उक्त निर्वस्त्र स्केच तयार पारेका हुनसक्छन् ।
मोनालिसाको तैलचित्र र यो स्केचबीच तुलना गर्दा सरीर र हात दुरुस्तै देखिन्छन् । साथै साइज पनि बराबरी छ । बीबीसी
