सीमा रक्षक देवनारायणलाई नि:शर्त छाड्न विप्लव नेतृत्व कम्यूनिष्टले दियो यस्तो चेतावनी…
काठमाडौं, १७ असोज । सीमा रक्षक देवनारायण यादवलाई झुठा मुद्दा लगाएर भारतीय प्रहरीले भारतीय बजार कुनौलीबाट पक्राउ गरेको घटना प्रति विप्लव नेतृत्व नेपाल कम्यूनिष्ट पार्टीले गम्भिर आपत्ती जनाएको छ । पार्टी लेटर प्याडमा एक विज्ञप्ती जारी गर्दै सो पार्टीले यस्तो कुरा स्पस्ट पारेको हो ।
सप्तरीको तिलाठी कोइलाडी गाउँपालिका तिलाठी निवासी देशभक्त, स्वाभिमानी, सीमा रक्षक देवनारायण यादवलाई झुठा मुद्दा लगाएर भारतीय प्रहरीले भारतीय बजार कुनौलीबाट पक्राउ गरेको घटना प्रति हाम्रो पार्टी घोर भत्सना गर्दछ ।
र, साथै राष्ट्रियताको मुद्दालाई केन्द्रीय भागमा राखेर यादवको नि:सर्त रिहाईको लागि आवश्यक कुटनीतिक एवम् उच्च तहबाट पहल लिन नेपाल सरकारको ध्यान आकृष्ट गर्दछौ ।
राष्ट्र र देशका खातिर लड्ने योद्धाहरुको जीवन रक्षाको ग्यारेन्टी गर्न र उहाँको रिहाईका लागि प्रक्रियागत जटिलता देखाएर वा बाहनाबाजीबाट यादवको रिहाई प्रक्रियामा ढिलासुस्ती नगर्न अनुरोध गर्दछौ ।
यदी त्यसो हुन गएमा उत्पन्न हुन सक्ने परिस्थितीको जिम्मेवारी सरकारको हुने कुरा जानकारी गराउँछौ । यदी यसो हुन नसकेमा लाचार सरकार र उत्तर साम्राज्यवादका विरुद्ध कडा संघर्षमा उत्रने चेतावनी दिन्छौ ।
भारतीय उत्तर साम्राज्यवादले एक वर्ष अघि सीमा क्षेत्रमा अवस्थित खाडो नदीमा एकतर्फी बाँध बाँधेपछि प्रतिकारमा उत्रिएका यादव भारतीय पक्षसंगको झडपका क्रममा घाइतेसमेत भएका थिए ।
विगतमा देखाएको देशभक्तिमाथिको यो भारतीय हस्तक्षेप विरुद्द सबै नेपाली गोलबन्द हुन हार्दिक अपिल गर्दछौ । – न्यूज अभियान
