पूर्व डिआइजी नवराज सिलवाल एमालेको तर्फबाट उम्मेदवार रहेको ललितपुरमा पनि मतगणना शुरु, यस्तो छ ताजा अवस्था…
ललितपुर । ललितपुरमा मतगणना सुरु भएको छ । रातीदेखि क्षेत्र नं २ र ३ को मतगणना सुरु भएको हो । क्षेत्र नं १ को मतगणना भने शुक्रबार बिहानदेखि मात्रै सुरु गर्ने तयारी छ ।
ललितपुरका तीनवटै निर्वाचन क्षेत्रमा ७२ प्रतिशत मत खसेको छ । क्षेत्र नं १ मा वाम गठबन्धनका तर्फबाट प्रतिनिधिसभा चुनावमा पूर्व डिआइजी नवराज सिलवाल र कांग्रेस उम्मेदवार उदयशमशेर राणाबिच तिब्र प्रतिष्पर्धा हुने अनुमान गरिएको छ । क्षेत्र नं २ मा कांग्रेसका चन्द्र महर्जन र एमालेका कृष्णलाल महर्जनबीच कडा प्रतिष्पर्धा हुने अनुमान छ ।
क्षेत्र नं। ३ मा वाम गठबन्धनका तर्फबाट माओवादी केन्द्रकी प्रवक्ता पम्फा भुषाल र कांग्रेसबाट मदन बहादुर अमात्य उम्मेदवार हुनुहुन्छ । ‘हेभीवेट’ र चर्चाका हिसाबले ललितपुरको क्षेत्र नं १ र ३ बढी चर्चामा छन् ।
