प्रधानमन्त्री देउवाले राजीनामा दिनु हुँदैन : पाण्डे (भिडियो सहित)
काठमाडौँ । नेपाली कांग्रेसका केन्द्रीय सदस्य बद्री पाण्डेले पार्टी सभापति तथा प्रधानमन्त्री शेरबहादुर देउवाले पार्टी सभापति पदबाट राजीनामा दिन नपर्ने बताउनु भएको छ ।
जनता टेलिभिजनको कार्यक्रम ‘सन्दर्भ’मा समाचार संयोजक रामकुमार एलनसँग कुराकानी गर्दै नेता पाण्डेले भन्नुभयो, ‘निर्वाचनमा पार्टी हार्दैछ भन्ने थाहा भएर पनि निर्वाचनको काम सम्पन्न गर्नु भएकाले पराजयकै कारण राजीनामा दिनु पर्दैन ।’
पाण्डेले थप्नुभयो, ‘दुई वर्षपछि पार्टीको महाधिवेशन नै भएकाले अहिले राजीनामा दिएर विशेष महाधिवेशन गरिनु भन्दा सभापति जिम्मेवार भएर प्रस्तुत हुन सक्नु भयो भने कांग्रेस बलियो हुनेछ ।’
नेता पाण्डले सभापतिले पार्टीभित्र निष्पक्ष भएर प्रस्तुत हुनुपर्ने, सबैलाई समेटेर अघि बढ्नु पर्ने र प्रतिपक्षमा रहेर संगठन विस्तारमा ध्यान दिनु पर्ने बताउनु भयो । थप कुराकानी हेर्नुहोस्ः
