अझै पनि चर्को मधेस आन्दोलन र नाकाबन्दीको संभावना टरेको छैन : डा शिवजी यादव (भिडियो सहित)
नाकाबन्दी भारतले गरेको होइन हामीले गरेका थियौं, माग पुरा नभए फेरी नाकाबन्दी हुन सक्छ
संघीय समाजवादी फोरम पार्टीको अहिलेको मुख्य एजेण्डा भनेको संविधान संशोधन नै हो।
यदि संविधान संशोधन भएर असन्तुस्टहरुको माग संबोधन भएमा संघीय समाजवादी पार्टी सरकारमा सहभागी हुन सक्ने कुरा संघीय समाजवादी पार्टीका नेता डा.शिवजी यादवले माउण्टेन टेलिभिजनको कार्यक्रम माउण्टेन संवादमा कुराकानी गर्दै बताए।
२ नम्बर प्रदेशमा संघीय समाजवादी फोरम र राष्ट्रिय जनता पार्टी (राजपा) को गठबन्धनले बहुमत प्राप्त गरेकाले यी दुई पार्टीले नै २ नम्बर प्रदेशमा सरकार बनाउने नेता यादवले बताए।
राजपा र संघीय समाजवादी पार्टीको विचार र सिद्धान्त फरक रहेकाले यी दुई पार्टीबिच एकता हुन नसक्ने नेता यादवको भनाई छ।
भारतले नाकाबन्दी गरेको नभई मधेश आन्दोलनको कारण भारतबाट नेपाल आउने सामान नआएको त्यसैलाई नाकाबन्दीको नाम दिइएको यादवको दावी छ।
यादवले अझैपनि मधेश आन्दोलन र नाकाबन्दीको संभावना नटरेको स्विकार्दै संविधान संशोधन नभए आन्दोलनको बाटो समाउने चेतावनी दिए।
