सरकारले प्रदेश नं. १ को अस्थाई राजधानी बिराटनगर तोकेपछि धनकुटामा यसरी गरियो देउवा र प्रशासकको पुत्ला दहन (भिडियो सहित)
धनकुटा खबर । सरकारले प्रदेश नं. १ को अस्थाई राजधानी बिराटनगर तोकेपछि धनकुटाका जनताले प्रधान मन्त्री र धनकुटाका क्षेत्रीय प्रशासकको पुत्ला जलाएका छन् । आन्दोलनकारीहरुले धनकुटाको जिरो प्वाईन्टमा भेला भएर नाराबाजी र प्रदर्शन गर्दै मन्त्री शेरबहादुर देउवा र प्रशासक राजेश्वरमान सिंहको पुत्ला दहन गरेका हुन् ।
भौतिक,प्रशासनिक,सुरक्षा लगाएत सबै कुराले धनकुटा उपयुक्त भएपनि सरकारले धनकुटालाई राजधानी घोषणा नगरेको धनकुटाबासीहरुको आरोप छ । त्यस्तै सरकारलाई धनकुटाको प्रतिवेदन पठाउादा एकल निर्णय गरेर पठाएकोले धनकुटा राजधानी हुन नसकेको आन्दोलनकारीहरुको भनाई छ ।
सरकारको यो निर्णय धनकुटेलीको लागि कालो दिन भएकोले भोलीबाट अनिश्चितकालिन आम हडताल रहने आन्दोलनका संयोजक सुन्दरबाबु श्रेष्ठले बताए ।
३३ दिन देखि धनकुटामा जारी आन्दोलनका क्रममा बुधबार आम हडताल र क्षेत्रीय प्रशासनमा तालाबन्दी गरिएको थियो । निरन्तरको आन्दोलन र हडतालका कारण जनजीवन प्रभावित भएको छ । बन्दका कारण धनकुटा भएर तेह्रथुम,संखुवासभा,भोजपर र ताप्लेजुङ्ग जाने यातायात प्रभावित भएका छन् ।
https://youtu.be/7_UZNuFQbiw
