बिहान ७ बजेबाट पुनः जारीगरिएको निषेधाज्ञा ३ बजेबाट पूर्ण रुपमा हट्ने
धनकुटा खबर । स्थानीय प्रशासनले सोमबार दिउँसो ३ बजेबाट १६ घण्टाका लागि हटाएको निषेधाज्ञा मंगलबार बिहान ७ बजेबाट पुनः जारी गरिएतापनि आज दिऊसो तीन बजेबाट पूर्ण रुपमा हट्ने बताएको छ ।
सर्वसाधारणको हितलाई मध्यनजर गर्दै निषेधाज्ञा पूर्ण रुपमा हटाईने प्रमुख जिल्ला अधिकारी प्रेमप्रकाश उप्रेतीले जानकारी दिए । शान्ति सुरक्षालाई ध्यानमा राखेर पुनः निषेधाज्ञा लगाउनु परेकोले बिस्तारै खुकुलो पार्दै लगिनेछ बताएका उनले आज दिऊसो ३ बजेबाट पूर्ण रुपमा हटाऊने बताए ।
लगातारको बन्दले धनकुटाको जनजीवन प्रभावित भएको स्थानीयको गुनासो छ ।
