अब दु:खका दिन जानेभयो भैसेटारबासीको, लिफ्टिङ्ग पद्दतीबाट गरिदैंछ यस्तो ब्यबस्था…
धनकुटा खबर । धनकुटाको चौविसे गाउँपालिका स्थित भैसेटारका स्थानीयबासीका लागि लिफ्टिङ्ग पद्दतीबाट सिँचाइ तथा खानेपनी आयोजना सम्पन्न गरिने भएको छ ।
तस्वीर : पिउने पानी लिन जाँदै भैसेटारबासीहरु
नेपाल सरकारको ३४ लाख लागतमा सम्पन्न हुने उक्त आयोजना पुरा भएपछि वर्षौ देखि तमोर नदीको पानी ल्याएर पिउनुपर्ने वाध्यताको पनि अन्त्य हुनेभएको छ ।
खानेपानी नहुंदा बर्खामा तमोरको धमिलो पानी संगै स–साना ढुंगाको कणहरु संगको धमिलो पनी पिउन वाध्य भईरहेको स्थानीय वासिन्दा हर्क माझी बताउनुहुन्छ् ।
यहाँ अल्पसङ्ख्यक माझी समुदाय र केही तामाङ जातीको मात्र वसोवास रहेको माझीटारका स्थानीयहरु पिउने पानी र नुहाई धुवाई गर्न कोशी नै जानु पर्ने बाध्यता रहेको माझीले बताए ।
आकाशे पानीको भरमा खेती गर्न बाध्य यहाका बासिन्दा लिफ्ट सिँचाई आयोजना सञ्चालनमा आएपछि खानेपानी र सिंचाईको समस्या हटट्नेमा यहाँका बासिन्दाहरु ढुक्क छन् ।
सोलारवाट जडित उक्त लिफ्ट सिँचाई योजना असार मसान्तबाट सञ्चालन गर्न लागिएको सिँचाइ विकास डिभिजन,धनकुटाका प्रमुख राम नरेश मण्डलले जानकारी दिनुभयो ।
