सहिदको सपना मेरो कर्तब्य : राजेन्द्र
धनकुटा खबर, माघ १६ । प्रतिनीधि सभाका सभासद् राजेन्द्र राई धनकुटाका सम्पूर्ण शहिदहरुको सालिक संरक्षण तथा निर्माणमा आफू लाग्ने बताउनु भएको छ ।
शहिद दिवसको अबसरमा मानवअधिकारबादी संस्था हुसाडेक धनकुटाले गरेको एक श्रद्धान्जली कार्यक्रम राईले यस्तो बताउनु भएको हो ।
२०५५ सालमा धनकुटाको बसपार्कमा निर्माण गरिएको सशिद स्मारकमा गरिएको श्रद्धान्जली कार्यक्रममा बोल्दै राईले शहिदको संरक्षण र प्रवद्र्धन गर्न सबैको कर्तब्य भएको बताउनुभयो ।
‘वर्तमान उपलब्धी र स्वत्रन्त्रता शहिदकै कारण प्राप्ति भएको हो, त्यसैले शहिदहरुले देखेको सपना पुरा गर्नु मेरो कर्तब्य हो ।’–राईले भन्नु भयो ।
संस्थाका अध्यक्ष खेम नाथ घिमिरको अध्यक्षतामा भएको उक्त कार्यक्रममा महालक्ष्मी नगरपालिकाका मेयर पर्शु नेपाल,जिल्ला प्रशासन,जिल्ला प्रहरी,बिभिन्न बिद्यालय र स्थानिय निकायका जनप्रतिनीधिहरु तथा राजनैतिक दलहरुका प्रतिनीधिहरुको उपस्थिति रहेको थियो ।
पछिल्लो समयमा धनकुटाका करिव २ दर्जनलाई शहिद घोषणा गरिएको छ ।
