हेर्दाहेर्दै मुढाले थिचेर छोराको ज्यान गयो
माघ १७, धनकुटा खबर। तेह्रथुमको छथर गाउँपालिका स्थित हमरजुङ्ग गाउँको फयाकमा मुढाले थिचेर एक बालकको मृत्यु भएको छ ।
गाउँपालिकाले बाटो बनाउने क्रममा काटेर राखेको मुढा पल्टिएर थिच्दा हमरजुङ्ग २ का बर्ष ७ का रोनीत भुजेलको घटना स्थलमा नै मृत्यु भएको हो ।
मंगलबार दिउँसो करिव साढे ११ तिर मृतकका बुवा यादव बहादुर र आमा बिष्णु कुमारी भुजेल छोरालाई लिएर घाँस÷दाउरा काट्न गएका थिए ।
उनीहरु घाँस काट्न थालेपछि छोरा मुढाको वरीपरी खेल्ने क्रममा मुढा अचानक पल्टिएर उनको ज्यान गएको बुवा यादवले बताए ।
मृतककै बुवाले पल्टाउन नसकेर बाटोको डिलमाथि राखेरको मुढा टेकेर बालक संगै करिव १५ फिट तल कलभर्टमा झर्दा मुढा बालकमाथि पर्दा उनको मृत्यु भएको गाउँलेहरुले जानकारी दिए ।
बालकको पोष्टमार्टमका लागि बुधबार धनकुटा अस्पतालमा ल्याएर राखिएको छ ।
