आक्रासित गाउँलेले धनकुटाको निगाले सिमेण्ट उद्योगमा ताला लगाई दिए, यस्तो छ कारण…
धनकुटा खबर । गाउँलेहरु र उद्योगका बीच भएको तनाबको बिषयलाई लिएर प्रशासनले २ जना स्थानियलाई पक्राउ गरेपछि आक्रासित गाउँलेले धनकुटाको निगाले सिमेण्ट कारखानामा ताला लगाई दिएका छन् ।
गएको मगलबार देखि उद्योगका बिरुद्धमा भईरहेको आन्दोलनको अगुवाई गरिहेको आरोप लगाउँदै विहिवार साँझ स्थानिय इन्द्रवहादुर घिमिरे र भगीरथ बस्नेतलाई प्रहरीले पक्राउ गरेको थियो ।
पक्राउ परेका स्थानियबासीहरुलाई विनाशर्त १२ घण्टा भित्र रिहाईको माग गर्दे निआक्रोशित स्थानियबासीहरुले उद्योगको मुख्य गेटमा ताला लगाएका हुन् ।
धनकुटाको छथर जोरपाटी गाँउपालिका वडा नं.६ नाम्जाङमा रहेको यस उद्योगले वाताबरण प्रर्दुशन गरेर गाउँलेहरुका बालीनाली प्रभावित भएको जाहेरी प्रशासनमा परेपछि गएको मंगलबार बिज्ञ टोली झिकाएर उद्योग अनुगमन गरिएको थियो ।
तर सो समयमा उद्योगका सन्चालक दिनेश पौडेल माथि स्थानियबासीहरुले ढुंगामुढा र गालिगलोज गरेका थिए ।
उत्पन्न तनावपछि स्थानियबासी र उद्योगबीच वाताबरण प्रर्दुन रोक्ने प्रबिधी अपनाउने सहिमति भएपनि सन्चालक पौडेलले कुटपिटको उजुरी दिएपछि गाउँलेहरुलाई पक्राउ गरिएको सिधुवा प्रहरी चौकीका प्रहरी निरिक्षक धनलाल श्रेष्ठले बताए ।
बषैं देखि चुप लागेपनि अहिले भने उद्योगको प्रर्दुशनले मानव स्वास्थ्यमा बिभिन्न असर पार्न थालेपछि आफूहरु बाध्य भएर आन्दोलनमा उत्रनुपरेको आन्दोलनको अगुवा गरिहेका दिपक गुरुङ्गले जानकारी दिए ।
आफ्ना माग पुरा नभए सम्म निरन्तर आन्दोलन गरिहरने स्थानियबासीहरुले वताएका छन् ।
उत्पन्न तनाव पछि जिल्ला प्रशासन धनकुटाले ३ दर्जनको संख्यामा शसस्त्र प्रहरी र जनपथ प्रहरीको टोली खटाएर उद्योगलाई शुरक्षा दिईरहेको छ ।
