चौविसे-४ धनकुटाका २३ जना जेष्ठ नागरिकलाई सम्मान
धनकुटा खबर । धनकुटाको चौविसे गाउँपालिका वडा नं ४ का २३ जना जेष्ठ नागरिकलाई आज सम्मान गरिएको छ ।
४ नं वडाध्यक्ष नगेन्द्र तामाङ्गको अध्यक्षता तथा तत्कालिन गाउँ पञ्चायत प्रतिनीधि टेक प्रसाद भण्डारीको प्रमुख आतिथ्यमा सञ्चालित एक कार्यक्रमका वीच ७० वर्ष माथिका २३ जना जेष्ठ नागरिकलाई सम्मान गरिएको हो ।
सम्मानित हुनेहरुमा आफ्नो घरवाट वडा कार्यलय सम्म हिडेरै आईपुग्न सक्ने ९३ वर्षका पुष्पलाल ढुङ्गाना, ८२ वर्षका धनमाया मगर,८१ वर्षका ज्ञान वहादुर परियार लगायत रहेकाछन् । उनीहरुलाई दोसल्ला ओढाई सम्मान गरिएको वडाले जनाएको छ ।
कार्यक्रममा स्वागत मन्तव्य वडा नं ४ का महिला प्रतिनीधि लक्ष्मी पौडेलले राख्नुभएको थियो भने सञ्चालन वडा कार्यलय सहयोगी तेजनाथ वाग्लेले गर्नुभएको थियो ।
