धनकुटास्थित फेसुवा खोलामा निर्मित ट्रष्ट व्रीजको उद्घाटन
धनकुटा खबर । धनकुटाको सागुरीगढी गाउँपालिका वडा नं ८ र ९ को सिमाना फेसुवा खोलामा निर्मित ट्रष्ट व्रीजको आज उद्घाटन गरिएको छ ।
ट्रष्ट व्रीज निर्माण समितिका अध्यक्ष भीम वहादुर लिम्वुको अध्यक्षतामा भएको एक कार्यक्रमको वीच १ नं प्रदेश सांषद निरन राईले रिवन काटेर उद्घाटन गर्नुभएको हो ।
उक्त व्रीज जिल्ला प्राविधिक कार्यलय धनकुटाको २० लाख १५ हजार ४ सय र सागुरीगढी गाउँपालिकाको १ लाख २७ हजार लगतमा निर्माण गरिएको निर्माण समितिले जनाएको छ ।
फेसुवा खोलामा ३२ मिटर लम्वाईको सो ट्रष्टव्रीज वनिए सँगै अब त्यहाँका विद्यार्थीहरुलाई विद्यालय आवतजावत गर्न र स्थानियलाई पैदलयात्रा गर्न सहज हुनेभएको छ । यसअघि विद्यार्थी र स्थानीयहरु त्यहाँवाट जोखिमपूर्ण यात्रा गर्न वाध्य थिए ।
