अन्ततः पूर्णता पाऊने नै भयो धनकुटास्थित सिंधुवा बजारको ‘काउली प्रतिमा’ले ! (फोटोफिचर सहित)
धनकुटा खबर । धनकुटाको छथरजोरपाटी गाउँपालिका सिधुवा वजारमा निर्माणाधिन फुलकोपी (काउली)को प्रतिमाले अन्ततः पूर्णता पाउने भएको छ ।
वढीमात्रामा तरकारी उत्पादन हुने सिधुवा क्षेत्रको पहिचानको लागि तत्कालिन परेवादिन गाविसवाटै निर्माण गर्न थालिएको यो प्रतिमा पूरा गर्न यो वर्ष छथरजोरपार्टी गाउँपालिका ६ नं वडाले २ लाख वजेट छुट्याएको वडा कार्यलयले जनाएको छ ।
यसअघि गाविसले प्रतिमा निर्माणको लागि जग वसाल्ने काम गरेको र गत वर्ष २०७४/७५ मा ६ नं वडाले २ लाख लागतमा फुलकोपीको प्रतिमा निर्माण गरेको छ ।
अब यो वर्ष यसको पूर्णताको लागि वडाले थप २ लाख वजेट छुट्याएको वडाध्यक्ष दिल वहादुर वताउनुभयो ।
