निर्मलाको हत्यारालाई कारवाहीको माग गर्दै धनकुटामा बिरोध प्रदर्शन
धनकुटा । बलात्कारपछि हत्या गरिएकी कन्चनपुरकी १३ वर्षीया बालिका निर्मला पन्तको हत्यारा पक्राउ गर्न सरकारलाई दवाब दिन धनकुटा नगरपालिकाका विद्यार्थीहरुले बिरोध प्रदर्शन गरेका छन् ।
महिला अधिकारकर्मीहरु र बजार ब्यबस्थापन समितिको अगुवाईमा गरिएको बिरोध प्रदर्शन पछि हत्यारालाई अविलम्ब कारवाही गर्न जिल्ला प्रशासन कार्यालयमा ज्ञापन–पत्र बुझाईएको थियो ।
हत्यारालाई फाँसी दे, महिला हिंसा गर्नेलाई कारवाही गर, लगाएतका नारा सहित मदन चौकबाट शुरु भएको सयौं बिद्यार्थी सम्मिलित बिरोध र्याली बजार परिक्रमा पछि प्रशासन पुगेको थियो ।
प्रमुख जिल्ला अधिकारी सिताराम कार्कीलाई बजार ब्यबस्थापन समितिका अध्यक्ष बिप्वल श्रेष्ठले ज्ञापन–पत्र बुझाउनु भएको थियो ।
