धनकुटाका ७ बर्षीय बालकको अनुरोध,- मलाई मेरो ममी-बाबाले छाडेर जानु भो, म बाँच्न चाहन्छु, मलाई बचाऊनुहोस् (भिडियो सहित)
धनकुटा । २०७२ सालमा आफ्नै घर नजिक चुंडिएर झरेको बिजुलीको तारमा खेल्दा करेन्ट लागेर देब्रे कान, हात र खुट्टा गुमाएका धनकुटा चौबिसेका ७ बर्षीय बालक सन्देश तामाङ्लाई अहिले फेरी टाउकाको घाउले सताईरहेको छ । हात र खुट्टाको भर नहुंदा एक महिना अघि मावलीमा लडेर उनको टाउकोमा गहिरो चोट भएको थियो ।
गएको ४ महिना देखि बुवा–आमा बेपत्ता भएपछि आधा शरिर अपांगता भएका उनी उपचारको अभावमा टाउकोमा घाउ बोकेर थप पिंडाले छटपटिएर हिंड्न बाध्य सन्देश सबैजना भएर पनि एक्लो जस्तै छन् । बाबु टेक बहादुर कान्छि श्रीमतीसंग काडमाण्डौ तिर र आमा प्रमिला पनि सम्पर्क बिहिन भएपछि अहिले ६५ बर्षीया बाजे जीत बहादुर तामाङ्ग मात्र उनको सहारा बनेका छन ।
करेन्ट लागे देखि हाल सम्म ऋण गरेर उनको उपचारमा १० लाख ५० हजार खर्च गरेका तामाङ्ग परिवारले अब भने आर्थिक अभावमा सन्देशको उपचार गर्न छाडेका छन् ।
पहिलाकै साढे पाँच लाख भन्दा बढी ऋण बाँकी नै भएको र अब कुनै उपाय नभएको बताऊँदै बाजे जीत बहादुर सहयोग गरिदिनुहुन अपिल गर्दै भन्छन,- उपचार खर्च नहुँदा सन्देशका बाबु आमाले नै छाडे, म उपचार गर्न लैजान्छु तर म सगँ आर्थिक उपाय छैन तपाईहरुले सहयोग गरेर मेरो नातिलाई बचाईदिनुहोस्’
अपांगता भएका संदेश बचेको एक हात जोड्दै भन्छन,- मलाई मेरो ममी-बाबाले छाडेर जानु भो, म बाँच्न चाहन्छु, मलाई बचाऊनुहोस् ।
सहयोग कहाँ र कसरी गर्ने ?
सन्देशको मर्माहत समाचार प्रकाशन गरिएसँगै देश र विदेशमा रहनुभएका सहयोग गर्न ईच्छुक सहयोगी मन र हातहरुले सहयोग गर्न ईच्छा देखाएसँगै धनकुटा खबर टिम नै “सन्देश बचाउ अभियान”मा लाग्ने निर्णय गरिएको छ ।
सहयोगका लागि
“धनकुटा खबर नेटवर्क सर्भिस प्रा.लि.”, जनता बिकास बैंक, पाख्रीबास शाखा धनकुटा, खाता नं- ०२६००२०४७७४७२०१(026002047747201) मा सहयोग जम्मा गर्न आग्रह गरिएको छ ।
प्राप्त सहयोग रकमको उपयोगः
धनकुटा खबर अनलाईनको तर्फबाट उचार सहयोग रकम स्वरुप ११ हजार १ सय ११ रुपैंया सहयोग गरी “सन्देश बचाउ अभियान” शुरु गरिएको जानकारी अबगत गराऊदैं देश र विदेशमा रहनुभएका सम्पूर्णमा सहयोगका लागि आग्रह गर्दै यो पोष्टलाई सक्दो शेयर गर्नुहुन अनुरोध गरिएकोछ ।
https://youtu.be/2VSa3q23qBo
यो पनि हेर्नुहोस – आमा बेपत्ता- बाबु कान्छी च्यापेर हिडेपछि करेन्ट लागेर अपांगता भएका धनकुटाका ७ बर्षिय सन्देश तामाङको हरिबिजोग (भिडियो सहित)
