धनकुटामा एक जेष्ठ नागरीक मृत फेला, ३ जना पक्राउ
धनकुटा खबर । धनकुटाको चौविसे गाउँपालिकामा एक जना जेष्ठ नागरीक मृत अवस्थामा शव फेला परेका छन् ।
गाउँपालिकाको वडा न.३ सोगुमका ६८ बर्षिय सञ्चलाल याख्खा मृत फेला परेको धनकुटा प्रहरीले जानकारी दिएको छ । शुक्रबार याख्या घरबाट आफ्नो खेतमा काम गर्न गएको बेला गोठमा मृत अवस्थामा फेला परेको जिल्ला प्रहरी कार्यलय धनकुटाका प्रहरी उपरीक्षक सुरेन्द्रबहादुर गुरुङ्गले जानकारी दिनुभयो ।
मृतक याख्खाको टाउको र हातमा चोट रहेको कारण घटना स्थलबाट एक थान खुकुरी, लाठि समेत बरामत भएको गुरुङ्गले जानकारी दिनुभयो । हत्याको आशंकामा उक्त गाउँका तीन जनालाई पक्राउ गरेपनि अनुसन्धानका लागि नाम गोप्य राखिएको प्रहरीले जनाएको छ ।
