उच्च अदालत विराटनगरको धनकुटा इजलासद्वारा १ सय ४५ मुद्धा फछर्यौट
धनकुटा खबर । उच्च अदालत विराटनगरको धनकुटा इजलासले यो आर्थिक बर्षको पौष मसान्त सम्ममा १ सय ४५ मुद्धा फछर्यौट गरेको छ ।
आर्थिक बर्ष ०७४÷०७५ को जिम्वेवारीमा रहेका ७४ र आर्थिक बर्ष ०७५÷०७६ मा नयाँ दर्ता भएका कुल २ सय ७५ मुद्धा रहेकोमा करिब ५३ प्रतिशत मुद्धा फछर्यौट भएको उच्च अदालत विराटनगर धनकुटा इजलासका मुख्य न्यायधिस विनोद शर्माले जानकारी दिए ।
अहिले पनि १ सय ३० वटा मुद्धा फैसला हुन बाकिँ रहेको मुख्य न्यायधिस शर्माको भनाई थियो । अदालतमा ६ महिना भित्र दर्ता भएका १ सय १७ वटा मुद्धा छन् भने ६ महिना देखि ९ महिनाभित्रका ९ वटा र ९ महिना देखि १ बर्ष सम्मका ४ वटा मुद्धा फैसला हुन बाकिँ रहेको समेत पत्रकार संमेलनमा जानकारी दिइयो । अदालतमा १ बर्ष पहिला दर्ता भएका मुद्धा भने सबै फछर्यौट भएका छन् ।
