दूधको मूल्य ६ रुपैयाँ बढेको भए पनि बजारमा यसरी हुँदैछ ठ’गी
काठमाडौं, असोज १ । किसानले दूधको मूल्य न’पाएको केन्द्रीय दुग्ध सहकारी संघ, डेरी उद्योग संघ र नेपाल डेरी एसोसिएसनको गुना’सोपछि सरकारले दूधको मूल्य प्रतिलिटर ६ रुपैयाँ बढाउन सिफारिस ग¥यो।
कृषि तथा पशुपन्छी विकास मन्त्रालयको सिफारिसमा दुग्ध विकास संस्थान (डीडीसी) ले पनि भदौ २१ गतेदेखि मूल्य बढाउने निर्णय ग¥यो। डीडीसीले प्रशोधित दूध (प्याकेट) आधा लिटरको ३ रुपैयाँ बढाए पनि बजारमा भने ५ रुपैयाँ थपेर बिक्री भइरहेको छ। यो खबर आजको कान्तिपुरमा राजु चौधरीले लेखेका हुन्।
मूल्यवृद्धि गर्नुअघि प्याकेट दूध (आधा लिटर) को मूल्य ३५ रुपैयाँ थियो। डीडीसीले ३५ रुपैयाँबाट ३ रुपैयाँ बढाएर ३८ रुपैयाँ पु¥यायो। केही खुद्रा व्यापारीले भने ४० रुपैयाँमा बिक्री गरिरहेको छ।
‘सरकारले तोकेको रेटमा २ रुपैयाँ बढाएर बिक्री भएको छ। एक लिटर खरिद गर्दा उपभोक्ता थप ४ रुपैयाँ तिर्न बा’ध्य छन्,’ उपभोक्ता अधिकार मञ्चका अध्यक्ष माधव तिमिल्सिनाले भने, ‘यो सरासर ठ’गी हो। कृषि मन्त्रालय र डीडीसीका कारण उपभोक्ताहरू मूल्यसँगै गुणस्तरमा पनि ठ’गिएका छन्।’ सरकारले एक लिटरमा ६ रुपैयाँ बढाए पनि उपभोक्ता १० रुपैयाँ तिर्न बाध्य छन्।
