चौबिसे गापाको संयुक्त माबिका प्रधानाध्यापक लिम्वु सहित तीन शिक्षकलाई यसरी गरियो विदाई
धनकुटा खबर, असोज ५ । चौविसे गाउँपालिका मुढेवास धनकुटाको संयुक्त माद्यमिक विद्यालयका प्रधानाध्यापक वीर वहादुर लिम्वु सहित तीन जना शिक्षकलाई आज विदाई गरिएको छ । विदाई गरिएका अन्य शिक्षकहरुमा दूर्गा काफ्ले र उमा आलेमगर रहनुभएको छ ।
संयुक्त माविमा ३९ वर्ष ८ महिना ९ दिन सेवारत प्रधानाध्यापक लिम्वु, २१ वर्ष ४ महिना सेवा गर्नुभएका शिक्षक काफ्ले र २०६६ भदौ ६ गतेवाट काम गर्नुभएका शिक्षक मगरलाई विदालयले एक कार्यक्रमको आयोजना गरि विदाई गरेको हो ।
चौविसे गाउँपालिका २ का वडाध्यक्ष ममिन्द्र कुमार लिम्वुको प्रमुख आतिथ्य तथा विद्यालय व्यवस्थापन समितिका अध्यक्ष चिन्तामणी पौडेलको अध्यक्षतामा भएको कार्यक्रममा अभिभावक तथा वुद्धीजीविको तर्फवाट दिल वहादुर लिम्वु र सञ्च वहादुर मादी शिक्षक अभिभावक संघका अध्यक्ष दूर्गा प्रसाद खतिवडा लगायतले मन्तव्य राख्नुभएको अभिभावक शालिग्राम पौडेलले जानकारी दिनुभयो ।
सेवावाट अवकास पाई विदाई हुनुभएका प्रधानाध्यापक लिम्वुले कार्यक्रममा वोल्दै शैक्षिक क्षेत्रको गुणस्तर वृद्धी गर्दै विद्यार्थीहरुलाई प्राविधिक शिक्षा तर्फ उन्मुख गराउनु पर्नेमा जोड दिनुभयो । उहाँ आफुले त्यस विद्यालयमा तीन पुस्तालाई पढाउन पाएकोमा खुशी पनि व्यक्त गर्नुभयो ।
कार्यक्रममा स्वागत मन्तव्य विद्यालयका सह प्रधानाध्यापक मान वहादुर वस्नेतले राख्नुभएको थियो भने सञ्चालन शिक्षक पार्वता पौडेलले गर्नुभएको थियो ।
