छिन्ताङ का’ण्डका श’हिद परिवारलाई प्रतिपरिवार ५ लाख दिने घोषणा
देशभरिका श हिद परिवारलाई राहत वितरण र सम्मान सरकारले चाँडै गर्ने
धनकुटा खबर, कार्तिक २९ । उप-प्रधान तथा रक्षामन्त्री ईश्वर पोख्रेलले देशभरिका श हिद परिवारलाई राहत वितरण र सम्मान सरकारले चाँडै गर्ने बताउनुभएको छ ।
आज नेपाल कम्युनिष्ट पार्टी (नेकपा) धनकुटाले आयोजना गरेको छिन्ताङ ह त्याका ण्डका शहिदको ४१ औं स्मृति दिवसको अवसरमा आयोजित कार्यक्रमलाई सम्वोधन गर्दै उहाँले त्यस्तो वताउनुभएको हो ।
संघिय सरकारले कृषि, उद्योग, उर्जा, पर्यटन र पूर्वाधारलाई प्राथमिकतामा राखेको बताउदै उहाँले चिन र भारतसँग व्यापार समेत बढाउने जानकारी गराउनुभयो । उहाँले सरकार खोज्न सिंहदरबार नै जानुपर्ने कुराको अन्त्य भएको भन्दै तीनै तहको सरकारले जनताको सेवा गरिरहेको दाबी गर्नुभयो ।
नेपाल कम्युनिष्ट पार्टी (नेकपा)का सचिवालय सदस्य तथा स्कुल विभाग प्रमुख समेत रहनुभएका पोख्रेलले छिन्ताङ का ण्डका शहिदका परिवारलाई यसअघि संघीय सरकारले दिने भनेको १० लाख राहतको विषयमा भने केही बोल्नुभएन । यस्तै रक्षा मन्त्री पोख्रेलले कालापानी र लिपुलेकको विषयमा पनि केही बोल्नुभएन ।
कार्यक्रममा प्रदेश १ का मुख्यमन्त्री शेरधन राईले छिन्ताङ का ण्डका शहिद परिवारलाई प्रदेश सरकारले प्रतिपरिवार ५ लाख राहत दिने घोषणा गर्नुभयो । उहाँले देश संघीयतामा नगएको भए शहिद परिवारलाई राहत घोषणा नहुने भन्दै संघीयता बचाउनु पर्नेमा जोड दिनुभयो ।
बाम आन्दोलनमा लागेको भन्दै २०३६ सालमा भएको छिन्ताङ का ण्डमा मा रिएका १६ जनालाई यसअघिको सरकारले शहिद घोषणा गरेपनि शहिद परिवारलाई राहत उपलव्ध गराएको छैन ।
