अन्तर्राष्ट्रिय तामाङ परिषद् (आईटिसी) को मध्यपूर्व क्षेत्रीय सम्मेलन ओमनमा हुने
ओमन । अन्तर्राष्ट्रिय तामाङ परिषद् (आईटिसी) को मध्यपूर्व क्षेत्रीय सम्मेलन ओमनमा हुने भएको छ । सम्मेलन यही नोभेम्बर २९ तारिख शुक्रबार मस्कटस्थित रुहि अलमासा हलमा हुने भएको हो ।
अन्तर्राष्ट्रिय तामाङ परिषद्को आयोजनामा हुने सम्मेलनको व्यवस्थापन तामाङ समाज ओमनले गर्ने भएको छ । सम्मेलनमा ओमनसहित मध्यपूर्वीका युएई, बहराइन, कुवेत, कतार, साउदी अरेबिया र इराकबाट प्रतिनिधि तथा पर्यवेक्षकहरू सहभागी हुने आयोजकले बताए ।
कार्यक्रममा नेपाल तामाङ घेदुङको अध्यक्ष तथा अन्य प्रतिनिधिहरू, परिषद्का पदाधिकारी र पत्रकारहरूको समेत उपस्थिति रहने तामाङ समाज ओमनले जानकारी दिएको छ।
