तीन दिनमै तयार भयो धनकुटाको छथरजोरपाटीमा हेलिप्याड
'माल पाएर चाल पाईएन भने समस्या हुन्छ'
धनकुटा खबर । धनकुटाको छथरजोरपाटी गाउँपालिका ३ पानी ट्याङ्की नजिक निर्मित हेलिप्याड आज हस्तान्तरण गरिएको छ । छथरजोरपाटी गाउँपालिकाको आर्थिक लगानी तथा वरखगण सल्लेरी व्यारेक धनकुटाको प्राविधिक सहयोगमा निर्मित हेलिप्याडको सम्पूर्ण काम पूरा गरेर वरख गणले गाउँपालिका प्रमुख शेर वहादुर लिम्वुलाई हस्तान्तरण गरिएको हो ।
हेलिप्याड हस्तान्तरण कार्यक्रममा वोल्दै प्रमुख जिल्ला अधिकारी प्रमुख जिल्ला अधिकारी कृष्ण वहादुर घिमिरेले यसअघि नै धनकुटाको महालक्ष्मी नगरपालिका र शहिदभूमि गाउँपालिकामा हेलिप्याड वनिसकेको जानकारी गराउँदै जिल्लामा यो तेश्रो हेलिप्याड निर्माण गरिएको वताउनुभयो ।
अव यो हेलिप्याड वनिसकेपछि यदी कुनैपनि समयमा सवारी साधन चल्ने सडकहरु भत्किएको वेला गाउँपालिकाको जुसुकै स्थानमा विपत्ती आईपरे घाईते मानिसको उद्धार गर्न तथा राहत वितरण गर्न सहज हुने उहाँले वताउनुभयो ।
त्यस्तैगरी गाउँपालिका प्रमुख लिम्वुले यो हेलिप्याड गाउँपालिकाको विपद व्यवस्थापन कोष अन्र्तगतको २ लाख २२ हजार बरावर लागतमा निर्माण गरिएको जानकारी गराउनुभयो । विपदको समयमा विपतीमा परेकाहरुलाई उद्धार गर्न तथा राहत वितरण गर्न सहज होस् भन्ने उद्देश्यका साथ निर्माण भएको हेलिप्याडमा सम्पूर्ण श्रमदान भने वरखगण सल्लेरी व्यारेकको जनशक्तिले गरेको उहाँले वताउनुभयो ।
माल पाएर चाल पाईएन भने समस्या हुने र पाएको वस्तुको अर्थ पनि नहुने भन्दै उहाँले अव यो हेलिप्याड संरक्षणको जिम्मा गाउँपालिका सहित स्थानिय वासिन्दाको भएको वताउनुभयो । कार्यक्रममा गाउँपालिकाका अन्य पदाधिकारी सहित विभिन्न वडाका वडाध्यक्ष,वरखगण सल्लेरीका प्रमुख सेनानी भगवान थापा मगर लगायत सर्वसाधारणको उपस्थिती थियो । मंशिर ७ देखी थालिएको हेलिप्याड निर्माणको काम तीन दिनमा सकेर आज चौथो दिन औपचारिक कार्यक्रमको वीच वरख गण सल्लेरीले गाउँपालिकालाई जिम्मा लगाएको हो ।
