चौविसे धनकुटाका अपा’ङ्गता व्यक्तिलाई परिचयपत्र वितरण
धनकुटा खबर । २८ औ अन्तराष्ट्रिय आपाङ्ग दिवसको अवसरमा चौविसे गाउँपालिका धनकुटाका अपाङ्गता व्यक्तिलाई अपाङ्गता जाँच गरी आज परिचयपत्र वितरण गरिएको छ ।
चौविसे गाउँपालिका प्रमुख खजिन्द्र राईको प्रमुख आतिथ्य तथा गाउँपालिका उपाध्यक्ष एवम् अपाङ्गता समन्वय समितिका अध्यक्ष यज्ञ कुमारी रुचालको अध्यक्षतामा सञ्चालित कार्यक्रमको वीच उनिहरुलाई परिचयपत्र वितरण गरिएको हो ।
कार्यक्रममा गाउँपालिका प्रवक्ता ८ नं वडाध्यक्ष धन वहादुर लिम्वु लगायतका वक्ताहरुले अपाङ्गता व्यक्तिहरुलाई पनि परिवार र समाजले सपाङ्ग सो सरह व्यवहार गर्नुपर्नेमा जोड दिदै आगामी दिनमा अपाङ्गता व्यक्तिहरुका लागि सीप मूलक कार्यक्रमहरु ल्याउने वताएकाछन् ।
