विकासका लागि स्थानिय स्तरका जनता नै जागरुक हुनुपर्छ : सांसद राजेन्द्र राई
धनकुटाको भीर गाउँमा स्वास्थ्य चौकी भवनको शिलान्यास
शर्मिला राई, धनकुटा खबर, पौष १८ । धनकुटा नगरपालिका वडा नं २ भीर गाउँमा आज स्वास्थ्य चौकी भवनको शिलान्यास गरिएको छ ।
नेपाल सरकारको १ करोड ८० लाख लागतमा वन्न लागेको स्वाथ्य चौकी भवनको आज त्यहाँ आयोजित एक कार्यक्रमको वीच संघिय संषद राजेन्द्र कुमार राईले शिलान्यास गर्नुभएको हो ।
यो भवन वर्थिङ सेन्टरको सेवा समेत दिनेगरी ११ मिटर लम्वाई र १० मिटर चौडाइको ८ कोठाको वन्ने धनकुटा नगरपालिकाका २ नं वडाध्यक्ष तथा स्वास्थ्यचौकी व्यवस्थापन समितिका अध्यक्ष चन्द्रलाल तामाङले जानकारी दिनुभयो । उहाँका अनुसार स्वास्थ्यचौकी भवन १ वर्ष भित्र वनाई सकेर हस्तान्तरण गर्ने सम्झौता रहेको छ ।
स्वास्थ्यचौकी भवन शिलान्यस पछि वडा कार्यलयमा वडाध्यक्ष तामाङको अध्यक्षतामा भएको कार्यक्रममा वोल्दै संघीय संषद राईले देशको विकासका लागि स्थानिय स्तरका जनता नै जागरुक हुन आवश्यक रहेको वताउनुभएको छ ।
राज्यले शिक्षा, स्वास्थ्यमा लगानी वृद्धी गर्नुपर्नेमा जोड दिदै उहाँले शिक्षा र स्वास्थ्यमा स्थानिय स्तरका जनताको पहुँच नपुगे विकासले गति लिन नसक्ने वताउनुभयो । कार्यक्रममा स्वागत मन्तव्य २ नं वडा सदस्य शान वहादुर राईले गर्नुभएको थियो भने सञ्चालन वुद्धीजीवि राजेन्द्र गुरागाईले गर्नुभएको थियो ।
कार्यक्रममा २ नं वडाका स्वास्थ्य चौकी ईञ्चार्ज निकेश श्रेष्ठ, लगायत स्वास्थ्यचौकीका अन्य पदाधिकारी,विद्यालयका शिक्षक तथा सर्वसाधारणको उपस्थिती थियो । यसैवीच स्वास्थ्यचौकी भवन शिलान्यास पछि संघीय संषद राईले श्रीमान टंक माद्यमिक विद्यालयको गतिविधि समेत वुझ्नुभएको छ ।
यो क्रममा विद्यालयका प्रधानाध्यापक नर वहादुर विश्वकर्माले विद्यालयको नयाँ भवन निर्माण तथा पुरानो भवन वरिपरी तारघेरावाराका माग गर्दै ज्ञापन पत्र वुझाउनुभएको छ । ज्ञापन पत्र वुझ्दै संषद राईले यसका लागि आफ्नो तर्फवाट पहल गर्ने वताउनुभएको प्रधानाध्यापक विश्वकर्माले जानकारी दिनुभयो ।
