समावेसी लोकतान्त्रिक गणतन्त्रलाई व्यवहारमा लागु गर्नु पर्छ – निवर्तमान प्रदेश-१ प्रमुख
धनकुटा खबर । प्रदेश १ का निर्वतमान प्रदेश प्रमुख प्रध्यापक डा गोविद तुम्वाहाङ्ग सुब्बाले समावेसी लोकतान्त्रिक गणतन्त्रलाई व्यवहारमा लागु गर्नु पर्नेमा जोड दिनु भएको छ ।
नेपाली कांग्रेस धनकुटाले आज प्रविधि मैत्री जुम मार्फत आयोजना गरेको समावेशी लोकतान्त्रिक गणतन्त्र विषयक अन्र्तक्रिया कार्यक्रममा वोल्दै उहाँले त्यस्तो वताउनु भएको हो ।
समावेशी लोकतान्त्रिक गणतन्त्रको सही उपयोग भए सवैको प्रतिनीधित्वको सुनिश्चित हुने र सवैले अवसर पाउने वताउदै उहाँले मुलुकमा अहिले सही रुपमा गणतन्त्रको कार्यन्वयन हुन नसकेको टिप्पणी गर्नुभयो । सरकार एक्लैले मुलुकमा विद्यामान समस्या समाधान गर्न नसक्ने वताउदै डा तुम्वाहाङ्गले सवैसंग सहकार्य र सहमतीका साथ अगाडी बढ्नु आवाश्यक रहेको वताउनुभयो । त्यस्तै नेपाली कांग्रेसका आमन्त्रित केन्द्रिय सदस्य तथा संविधान सभा सदस्य मनोहर नारायण श्रेष्ठले सरकार दिन प्रदिन असफल बन्दै गएको वताउनु भयो ।
पार्टीका जिल्ला सभापति अग्नी प्रसाद पौडेलको अध्यक्षतमा सम्पन्न कार्यक्रममा कोषाध्यक्ष दिनेश राईले स्वागत मन्तव्य राख्नुभएको थियो भने जिल्ला सदस्य निर्मल ओझाले कार्यक्रमको उदेश्य प्रकाश पार्नु भएको थियो । सहजीकरण जिल्ला सचिव विजय सन्तोषी राई,पूर्व सहसचिव राजन पौडेल,प्रदेश निर्वाचन क्षेत्रिय कार्यसमिति क्षेत्र (क) धनकुटाका सभापति जितेन्द्र राईले गरेका थिए ।
