धनकुटाका ७ सय ६८ जनाको कोरोना परिक्षण
धनकुटा खबर, जेष्ठ २६ । धनकुटाका ७ सय ६८ जनाको व्यक्तिको आरडिटि परिक्षण विधिबाट कोरोना परिक्षण गरिएको छ । १ सय ८३ जना महिला र ५ सय ८५ जना पुरुष गरी जम्मा उल्लेखित संख्याका व्यक्तिको कोरोना परिक्षण गरिएको हो ।
त्यस्तै पिसिआर विधिबाट २ सय ३८ जना महिला र ३ सय ४९ जना पुरुष गरी जम्मा ५ सय ८७ जनाको परिक्षण गरिएको स्वास्थ्य कार्यलय धनकुटाले जनाएको छ । पिसिआर गरिएका ५ सय ८७ मध्ये ५ सय ४८ को रिपोर्ट प्राप्त भएको र ३९ जनाको रिपोर्ट प्राप्त हुन बाँकी छ ।
पिसिआर रिपोर्ट पोजेटिभ आई उपचाररत ८ जना मध्ये ७ जना निको भएर घर फर्किसकेका छन् भने र १ जना विपि कोईराला स्वास्थ्य विज्ञान प्रतिष्ठानमा उपचाररत रहेकाछन् । जिल्लाको ८१ जना व्यक्ति क्वारेन्टाईनमा र ११ जना होम क्वारेन्टाईनमा रहेको स्वास्थ्य कार्यलय प्रमुख तुलसी प्रसाद गुरागाईले जानकारी दिनुभयो ।
