धनकुटाको महालक्ष्मी-३ का विद्यार्थीको घर-घरमै नयाँ पुस्तक
धनकुटा खबर । धनकुटाको महालक्ष्मी नगरपालिका वडा नं. ३ कार्यालयले विद्यालयसँगको समन्वयमा घरमै पुगेर विद्यार्थीलाई नयाँ कक्षाको किताव वितरण सुरु गरेको छ ।
विश्वव्यापी रुपमा फैलिएको कोरोनाको त्रा,सको कारण देशभर चैत्र पहिलो हप्ता देखिको लकडाउन हालसम्म पनि कायम छ । लकडाउनको कारण अहिले सबै क्षेत्र ठप्प छ विद्यालय कहिले खुल्ने भन्ने बारे भन्न सक्ने अवस्था छैन नयाँ शैक्षिक सत्र सुरु भएको दुई महिना पुग्दा समेत विद्यार्थी विद्यालय जान पाएका छैनन् ।
पछिल्लो समय कोरोना संक्रमित विरामीको संख्या दिनप्रतिदिन वढिरहेको कारण तत्कालै विद्यालय खुल्ने सम्भावना छैन । विद्यालय संचालन नभएपनि घरमै वसेर पढ्ने वानीको विकास होस् भन्ने उद्देश्यले विद्यार्थीको घर–घरमै पुगेर पुस्तक वितरण गरिरहेको ३ नं. वडाका वडाध्यक्ष भरत थापाले बताए ।
३ नं. वडामा नविन शिक्षा सदन मावि, कैलाशेश्वरी प्रा.वि, जलकन्या प्रा.वि र यूवा जनसहभागिता आधारभुत विद्यालय गरि चार वटा सामुदायिक विद्यालय संचालनमा छन् । ती विद्यालयमा करिव ४ सय ५० भन्दा वढी विद्यार्थीहरु अध्ययनरत छन् ।
