धनकुटामा नेतृत्व विकास तालिम
धनकुटा खबर, जेष्ठ २९ । महिला जनप्रतिनिधिहरुको व्यक्तित्व विकासका गराउने उदेश्यका साथ आज धनकुटामा नेतृत्व विकास तालिमसञ्चालन गरिएको ।
सामाजिक विकास सरोकार केन्द्र धनकुटाको आयोजना तथा प्रदेश निर्वाचन श्रेत्र विशेष कार्यक्रम धनकुटा नगरपालिकाको सहयोगमा सामाजिक दुरी कायम गर्दै तालिम सञ्चालन गरिएको हो ।
अगुवा महिला नेत्री सिमा राईको अध्यक्षतामा भएको तालिम समापन कार्यक्रममा बोल्नु हुदैँ तालिमका प्रमुख अतिथि जिल्ला समन्वय समितिका धनकुटाका उपप्रमुख बङ्गला राईले महिलाहरुलाई यस्ता तालिमले सहयोग पुग्ने वताउनुभयो । उहाँले आउँदा दिनहरुमा पनि यस्ता तालिमहरु सञ्चालन गर्नु पर्ने समेत धारणा राख्नु भयो । त्यस्तै धनकुटा उद्योग बाणिज्य संघका वरिष्ठ उपाध्यक्ष मनकुमारी तितुङ्ग (तारा ) ले उपस्थित महिलाहरुलाई उद्यमशीलताका बारेमा जानकारी गराउनुभएको थियो ।
कार्यक्रममा नेकपा धनकुटा प्रचारप्रसार विभागमका प्रमुख तथा सामुदायिक प्रसारक संघ अकोरावका उपाध्यक्ष अर्जुन राई, नेकपा जिल्ला पाटी सचिव एब्म प्रदेश कमिटी सदस्य ऋषी राम ढुङ्गाना लगायतले आ –आफ्नो धारणा राखेका थिए । तालिमको सहजीकरण सहजकर्ता नैना विश्वकर्मा, भिम राई र खेम घिमिरेलेगरेका थिए । तालिममा नगर कार्यपालिकाका सदस्य , वडा सदस्य लगायतको उपस्थिति थियो ।
