आधुनिक तरकारी खेती विस्तार गर्न धनकुटाको चौविसेमा प्लाष्टिक टनेल वितरण
धनकुटा खबर । धनकुटाको चौबिसे गाउँपालिकाले आधुनिक तरकारी खेती विस्तार गर्दै लाने लक्षका साथ कृषकहरुलाई ५० प्रतिशत मूल्य अनुदानमा प्लाष्टिकको टनेल वितरण गरेको छ ।
चालु आर्थिक वर्षको स्वीकृत कार्यक्रम अन्र्तगत ५० प्रतिशत अनुदानमा प्लाष्टिकको टनेल खरिद गरी कृषक समुह र व्यक्तिगत फर्महरुले माग गरे अनुसार वितरण गरिएको हो । चौबिसे गाउँपालिका तरकारीको पकेट क्षेत्र विस्तार गर्दै कृषकहरुको आयआर्जनमा बृद्धि गर्ने उद्देश्यले चालु आर्थिक वर्षको कार्यक्रम अनुसार ५ वटा कृषक समुह र ३ वटा व्यक्तिगत फर्महरुलाई ३५ वटा प्लाष्टिकको टनेल वितरण गरिएको गाउँपालिकाका अध्यक्ष खजिन्द्र राईले बताउनु भयो ।
ती प्लाष्टिकको टनेल गाउँपालिकामा नै कृषकहरुलाई सहभागी गराएर गाउँपालिकाका अध्यक्ष राई र उपाध्यक्ष यज्ञकुमारी रुचालले हस्तान्तरण गरेका थिए । यो अभियानलाई आगामी आर्थिक वर्ष पनि निरन्तरता दिईने गाउँपालिकाले जनाएको छ ।
