धनकुटास्थित ‘चमेरे गुफा’को दोस्रो चरणको पर्यटन प्रवर्धन काम पुरा
धनकुटा खबर । धनकुटाको छथरजोरपाटी गाउँपालिका वडा न ४ मा रहेको सिद्धिओडार चमेरे गुफामा पर्यटन प्रवर्धन गर्न गरिएको दोस्रो चरणको काम पुरा भएको छ ।
प्रचार प्रसारको अभाव रहेको गुफा व्यावस्थापनका लागि उद्योग, पर्यटन वन तथा वातावरण मन्त्रालयले अघिल्लो बर्ष समेत गुफा व्यावस्थापनको काम गरेको र यो बर्ष समेत १० लाख विनियोजन गरेसंगै पोखरी निर्माण, गुफा परिषरको बाटो ढलाई शौचालय निर्माण लगायतका काम सम्पन्न भएको निर्माण उपभोक्ता समितीका अध्यक्ष प्रेमप्रसाद ओझाले जानकारी दिनु भयो ।
प्रचार प्रसार र आवश्यक पूर्वाधारको पर्खाइमा रहेको यस गुफा भित्र विभिन्न देवि देवताको मूर्ति देख्न सकिन्छ साथै गुफा भित्र भित्रै बाट ४ ,५ किलोमिटरमा रहेका अन्य गुफा सम्म पुग्न सकिन्छ भन्ने बुढापाकाको भनाई रहेको भए पनि यसको आधिकारीक पुष्टी भने नभएको स्थानियहरुको भनाई रहेको छ ।
पूर्वाधार र प्रचार प्रसारको अभाव रहेको गुफामा अव भने पर्यटनको संभावना बढ्दै गएको निर्माण उपभोक्ता समितीका अध्यक्ष ओझाले बताए ।
