आज धनकुटाले हरिराज खेवालाई सम्झने दिन !
धनकुटा खबर । आज धनकुटाका कम्युनिष्टहरुले स्व.हरिराज खेवालाई सम्झेका छन् । अर्थ राज्य मन्त्री भएको बेला ४ बर्ष अघि आजकै दिन धनकुटाको सिधुवामा १४ जनाको ज्या,न जानेगरी भएको बस दु,र्घट,नामा उनको दुःखद नि,धन भएको थियो ।
हरिराज खेवा स्मृति प्रतिष्ठानले आज एक स्मृति कार्यक्रम गरी उनको योगदानको सम्झना गरेका छन् । प्रतिष्ठानका अध्यक्ष बिष्णु पारघरी लिम्बुको अध्यक्षतामा नेकपा धनकुटाका बरिष्ठ नेता कार्यकर्ताहरुको बाक्लो उपस्थिति रहेको थियो ।
कार्यक्रममा पुष्पलाल स्मृति प्रतिष्ठानका सचिव अर्जुन राई र प्रतिनिधी सभा सदस्य राजेन्द्र कुमार राईले स्व खेवाको योगदानको चर्चा गरेका थिए । कार्यक्रममा प्रदेश सभासद्द्वय निरन राई र ईन्द्रमणी पराजुली, धनकुटा नगरपालिकाका मेयर चिन्तन तामाङ्ग,उपभेयर सकुन्तला बस्नेत लगाएतको उपस्थिति रहेको थियो ।
स्व खेवाको नाममा २०७३ मा दर्ता भएको प्रतिष्ठानले १ लाख बराबरको अक्षकोष निर्माण गरी बिभिन्न कार्यक्रमहरु सन्चालन गर्दै आएको प्रतिष्ठानकी संरक्षक तथा खेवाकी पत्नी गिता गुरुङ्ग(खेवा)ले जानकारी दिईन् ।
पूर्व नेकपा एमालेको बिद्यार्थीबाट आफ्नो राजनिति यात्रा शुरु गरेका खेवाले पछिल्लो समयमा प्रर्व नेकपा माओवादीका तर्फबाट पहिलो संविधानसभा सदस्य भई अर्थराज्य मन्त्री भएका थिए ।
