‘अपांगको कोटामा नेताका सपांग जागिरे’ : गाऊपालिकाले भन्यो- दृष्टिबिहिनको कोटा सुरक्षित छ
धनकुटा खबर । अपांङ्ग शिक्षक कोटामा अनियमितता गरी सपाङ्ग आफन्तलाई जागिर खुवाएको भन्दै दृष्टिबिहिन जिल्ला कार्यसमितिले बिरोध जनाएपछि शहिदभूमि गाउँपालिका धनकुटाले दृष्टिबिहिन महिलाको अधिकार सुरक्षित रहेको प्रष्ट पारेको छ ।
यस बिषयमा गाउँपालिकाका अध्यक्ष मनोज राईले भने बिद्यालयले पटक पटक गरेर ३ पटक सम्म सूचना जारी गरेपनि आवेदन नपरेको भनेर खुला प्रतिष्प्रधाका लागि अनुमति मागेको जानकारी दिए । ‘गाउँपालिकाले दृष्टिबिहिन महिलाको कोटा सुरक्षाका लागि अनुमति दिएनौ तर चौथो पटक भने दृष्टिबिहिन महिलाको अधिकार सुरक्षित राखेर अनुमति दिएका हौ ।’–उनले भने ।
पहिलो पटक १५ दिने र त्यसपछि ७÷७ दिनको सूचना जारी गर्दापनि दृष्टिबिहिन महिलाको दरखास्त नपरेको जानकारी पछि खुला प्रतिष्प्रधामा बिद्यालयले शिक्षक नियुक्ति गरेको उनको भनाई छ ।‘दृष्टिबिहिन महिलाहरु कुनै पनि बेला आएमा उक्त कोटामा गाउँपालिकाले राहत कोटामा नियुक्ति गर्ने कोटा सुरक्षित राखेको छ’–अध्यक्ष राईले धनकुटा खबरलाई जानकारी दिए ।
यो पनि हेर्नुहोस् – धनकुटामा अपांगको कोटामा ‘नेताका सपांग’ जागिरे !
