धनकुटाको छथरजोरपाटीमा प्रहरी चौकी उद्घाटन गरियो
धनकुटा खबर । धनकुटाको छथरजोरपाटीगाउँपालिका २ नं वडामा आज प्रहरी चौकी उद्घाटन गरिएको छ ।
२०७६ असोजमा स्वीकृत भएअनुसार स्थापना गरिएको यो प्रहरी चौकीको आज धनकुटाका प्रमुख जिल्ला अधिकारी केशव प्रसाद विमली र छथर जोरपाटी गाउँपालिका अध्यक्ष शेर वहादुर लिम्वुले संयुक्त रुपमा उद्घाटन गर्नुभएको जिल्ला प्रहरी कार्यलय धनकुटाले जनाएको छ ।
यहाँ भाडामा ठाउँ लिएर प्रहरी चौकी स्थापना गरिएको जिल्ला प्रहरी कार्यलय धनकुटाका प्रहरी प्रमुख गोविन्द अधिकारीले जानकारी दिनुभयो । अन्य प्रहरी चौकीमा जस्तै यहाँ पनि ७ जना प्रहरी रहने जनाईएको छ ।
