देउसी-भैलो खेलेको पैसाले मास्क बितरण !
कबिराज घिमिरे, धनकुटा । आक्मालुङ्ग युवा क्लब हिलेले धनकुटाको हिले बजारमा मास्क बितरण गरेको छ । मास्क लगाउदा कोरोना रोकथाम गर्न सकिन्छ भन्ने सन्देश दिदै हिले हटिया तथा हिले बजारमा बितरण गरिएको हो ।
धनकुटा नगरपालिका वडा नम्बर एकका बडाध्यक्ष निरन तामाङ्गको उपस्थीतिमा उनिहरुले मास्क बितरण कार्यक्रम गरेका थिए । तिहारमा देउसी भैलो खेलेर संकलन गरिएको रकम मास्क बितरणमा खर्च गरिएको क्लबका सचिब उत्सब राइले जानकारी दिनुभयो ।
सो क्रममा बिभिन्न क्षेत्रमा कार्यरत मजदुर, ब्यापारी कृषक तथा बजार भर्न आएका ब्याक्तिलाइ बितरण गरिएको थियो । करिब ६ सय ब्याक्तिलाइ मास्क बितरण गरीएको जानइएको छ ।
