प्रदेश १ का मन्त्री घिमिरेलाई कोरोना संक्रमण पुष्टी भएपछि धनकुटामा त्रा,स!
धनकुटा खबर । प्रदेश १ सरकारका सामाजिक विकास मन्त्री जीवन घिमिरेलाई कोरोना संक्रमण पुष्टि भए संगै धनकुटामा समेत त्रास छाएको छ । सोमबार आएको परिक्षण रिर्पोटमा उनमा कोरोना संक्रमण पुष्टि भएको हो ।
प्रदेश भरीको स्वास्थ्य क्षेत्र हेर्ने जिम्मेवारी पाएकाले कोरोना संक्रमण फैलिएसंगै मन्त्री घिमिरे भदौ १३ गते शनिबार धनकुटा आएर विभिन्न कार्यक्रमा सहभागि भएका थिए । धनकुटामा उनले २५ बेडको आइसोलेशनको शुभारम्भ समेत गरे ।
उनले सो अवसरमा धनकुटा अस्पताल र शिक्षण अस्पताल बनाउन प्रदेश सरकार समक्ष सिफारिस भएका ठाउँहरुको अनुगमन समेत गरेका जनाइएको छ । अनुगमनमा जिल्लाका सुरक्षा निकायका प्रमुखहरु , अस्पातलका जिम्मेवार अधिकारी, पाटीका नेता कार्यकर्ता संग भेट घाट समेत गरेको बताईएको छ ।
