धनकुटाका थप ४ जनामा कोरोना संक्रमण पुष्टि
विराटनगर । धनकुटाका थप ४ जनामा कोरोना संक्रमण पुष्टि भएको छ । सामाजिक विकास मन्त्रालयका अनुसार धनकुटाको धनकुटा नगरपालिकाका ३ र शहिदभूमी गाउँपालिकाका १ जनामा संक्रमण पुष्टि भएको हो । यो संगै प्रदेश १ मा आज ५ सय ६९ जना कोरोना संक्रमित थपिएका छन् ।
आज थपिएका संक्रमितहरुमा मोरङ्का २ सय ५३, झापाका १ सय ४३, सुनसरीका १ सय १२, उदयपुरका १२, इलामका ११, भोजपुरका ३, सोलुखुम्वका २, पाँचथर, खोटाङ र ते¥हथुमका १–१ र प्रदेश १ बाहिरका २६ जना रहेका छन् । विराटनगरमा १ सय ४७ जनामा संक्रमण देखिएको छ । संक्रमण पुष्टि भएकाहरुमा ६१ महिला र ८६ पुरुष छन् ।
मोरंगको सुन्दरहरैचामा २०, पथरीशनिश्चरेमा १८, कटहरीमा ९,सुनबर्षीमा ८, ग्रामथानमा ७, बुढीगंगा र उर्लाबारीमा ६–६, धनपालथान र बेलबारीमा ५–५, कानेपोखरी, जहदा, मिक्लाजुङ, रंगेली र केराबारीमा ४–४ र रतुवामाईमा २ जनाको रिपोर्ट पोजेटिभ आएको छ । झापाको दमकमा ७५, विर्तामोडमा १५, गौरादहमा १०, कमल गाउँपालिकामा ९, कनकाईमा ६, भद्रपुरमा ५, बुद्धशान्ति, मेचीनगर र अर्जुनधारामा ४–४, शिवसताक्षी र हल्दिबारीमा ३–३, बा¥हदशीमा २, गौरीगञ्ज र झापा गाउँपालिकामा १–१ र स्थानीय तह नखुलेका १ जनामा संक्रमण देखिएको सामाजिक विकास मन्त्रालयले जनाएको छ ।
त्यस्तै सुनसरीको इटहरीमा ३९, धरानमा ३६, इनरुवामा ११, बराहक्षेत्रमा ८, रामधुनीमा ४, भोक्राहानरसिंहमा ३, दुहवी, गढी, बर्जु र देवानगञ्जमा २–२, कोशी गाउँपालिकामा १ र स्थानीय तह नखुलेका २ जनाको रिपोर्ट पोजेटिभ आएको छ । उदयपुरको त्रियुगामा ९, बेलकामा २ र स्थानीय तह नखुलेको १, इलामको इलाम नगरपालिकामा ६, फाकफोकथुममा ५, भोजपुरमा ३, सोलुखुम्वुको सोलुदुधकुण्डमा २, पाँचथरको फिदिम, खोटाङको दिप्रङ चुईचुम्वा र ते¥हथुमको म्याङलुङमा १–१ र प्रदेश १ बाहिरका २६ जनाको रिपोर्ट पोजेटिभ आएको छ ।
यो सँगै प्रदेश १ मा कोरोना संक्रमितको संख्या १८ हजार ९ सय ५३ पुगेको छ । यो प्रदेशमा आज ६ सय १९ जना डिस्चार्ज भएका छन् । होम आईसोलेसनबाट ५ सय ९५, मेची अस्पतालबाट १३, न्युरो अस्पतालबाट ८ र वीपी कोइराला स्वास्थ्य विज्ञान प्रतिष्ठान धरानबाट ३ जना डिस्चार्ज भएका हुन । यो सँगै डिस्चार्ज हुनेको संख्या १० हजार ७ सय ९८ पुगेको छ ।
यो प्रदेशमा आज १ हजार ९ सय ६० जनाको पीसीआर परीक्षण गरिएको छ । परीक्षण गरिएका मध्ये २ सय २३ महिला र ३ सय ४६ पुरुषको रिपोर्ट पोजेटिभ आएको छ भने अहिलेसम्म १ लाख ५८ हजार ९ सय ४८ जनाको पीसीआर परीक्षण गरिएको सामाजिक विकास मन्त्रालयले जनाएको छ ।
