आप्रवासी धनकुटाको समन्वयमा मृ’तक परिवारलार्ई राहत मिल्यो,अलपत्र एक नेपाल फर्किए
नारायण कुमार राई,धनकुटा । आप्रवासी श्रोत केन्द्र धनकुटाको समन्वय र सहयोगमा बैदेशिक रोजगारमा मृ त्यु भएका धनकुटाका एक परिवारलाई राहत मिलेको छ भने अलपत्र परेका एक स्वदेश फर्कन सफल भएका छन् ।
बैदेशिक रोजगारका क्रममा दुई बर्ष अघि २०७५ सालमा संयुक्त अरब इमिरेट्स(युएई) गएका धनकुटा नगरपालिका वडा नं ८ का चक्र राईको गएको मंसिरमा मृ त्यु भएको थियो ।
धनकुटा नगरपालिका आप्रवासी श्रोत केन्द्रको बिशेष पहलमा एक हप्ता अघि मृ तकको परिवारले श्रातिपूर्ति स्वरुप २४ लाख ४९ हजार ५ सय ९७ रुपैंया पाएको छ ।
आप्रवासी श्रोत केन्द्रका सूचना अधिकृत मन्जुराईका अनुसार मृ तककी श्रीमती जेठकुमारी राईलाई उक्त रकम हस्तान्तरण गरिएको छ । मृ तक परिवारलाई बिमाबाट १४ लाख युएईबाट ३ लाख ४९ हजार र बैदेशिक रोजगार बोर्डबाट ७ लाख रुपैंया उपलब्ध भएको थियो ।
युएईको आरएके ईन्भेष्टमेन्ट एण्ड डेभलोपमेन्ट अफिस बीएबी रिसोर्ट एफजेडईमा कार्यरत राईको बाथरुपमा लडेर घा’इते भएपछि उपचारका क्रममा अस्पतालमा मृ त्यु भएको थियो ।
त्यस्तै प्रलोभनमा परेर अबैधानिक तरिकाले दलाल मार्फत् कम्बोडिया पुगेर अलपत्र परेका धनकुटा ६ राईकुवा टोलबति(कोस्टिोर)का मणिकुमार राई १० महिना पछि घर फर्किएका छन् । मासिक १ लाख २० हजार भन्दा बढी तलबको प्रलोभनमा परेर राईले दलाल मार्फत् ४ लाख ५० हजार तिरेर भिजिट भिसामा थाईल्याण्ड हुंदै कम्बोडिया पुगेका थिए ।
कम्बोडिया पुगेर दलालले ठेक्का लिएको चाईनिज कम्पनीमा ३ महिना काम गरेपनि सबै तलब दललालले लगेर बेपत्ता भएपछि राई लगाएत धेरैजना अलपत्र परेका थिए । सोही बेला कम्बोडिया पुगेको करिब ७÷८ महिना पछि राईको धनकुटा नगरपालिका र ग्रामिण उद्यम तथा विप्रेषण आयोजना समृदिको साझेदारीमा संचालित आप्रवासी श्रोत केन्द्र धनकुटाका सूचना अधिकृत मञ्जु राईसँग सम्पर्क भयो ।
सम्पर्क पछि श्रोत केन्द्रले अन्तराष्ट्रिय आप्रवासन संगठन(आईओएम)सँग सम्पर्क गराई एनआरएनएको आर्थिक सहयोगमा राई नेपाल फकर्न सफल भएको अधिकृत राईले जानकारी दिनुभयो । नेपाल फर्केपछि राईले आफूलाई ठ गी गर्ने दलाल बिरुद्ध श्रोत केन्द्रको सहयोग र समन्वयमा जिल्ला प्रशासन कार्यलय र वैदेशिक रोजगार विभागमा उजुरी दर्ता गरेका छन् ।
