धनकुटाका ४ सहित प्रदेश १ मा थपिए २ सय ६६ संक्रमित
विराटनगर । प्रदेश १ मा आज २ सय ६६ जनामा कोरोना संक्रमण पुष्टि भएको छ ।
धनकुटामा ४, मोरङ्गमा ९१, झापामा ७०, सुनसरीमा ६८, इलाममा ६, उदयपुरमा ५, संखुवासभा र भोजपुरमा १–१ र प्रदेश १ बाहिरका २० सहित २ सय २६ जनामा संक्रमणपुष्टि भएको सामाजिक विकास मन्त्रालयले जनाएको छ ।
मोरङ्गको विराटनगरमा ३८ महिला र ४३ पुरुष सहित ८१, बुढीगंगामा ३, पथरीशनिश्चरे र जहदामा २–२, बेलबारी , सुन्दरहरैचा र स्थानीय तह नखुलेका १–१, झापाको भद्रपुरमा २४, विर्तामोडमा ११, अर्जुनधारामा ८, मेचीनगर र कनकाईमा ७–७, गौरादहमा ४, बुद्धशान्तिमा ३, हल्दिबारीमा २ र शिवसताक्षी, गौरीगञ्ज, कचनकवल र स्थानीय तह नखुलेका १–१, सुनसरीको धरानमा ३५, इटहरीमा २१, बराहक्षेत्र र इनरुवामा ४–४, रामधुनीमा २, बर्जु र देवानगञ्जमा १–१, इलामको रोङमा ६, उदयपुरको चौदण्डीगढीमा २, बेलका, त्रियुगा र स्थानीय तह नखुलेका १–१, धनकुटाको धनकुटा नगरपालिकामा ४, संखुवासभाको खाँदबारीमा १, भोजपुरमा १ र प्रदेश १ बाहिरका २० जनामा संक्रमण देखिएको सामाजिक विकास मन्त्रालयले जनाएको छ ।
यो सँगै प्रदेश १ मा कोरोना संक्रमितको संख्या ३२ हजार ९ सय १७ पुगेको छ । संक्रमण पुष्टि भएका मध्ये ३० हजार ४० जना निको भईसकेका छन् । हाल सक्रिय संक्रमितको संख्या २ हजार ३ सय ८२ पुगेको छ ।
प्रदेश १ मा आज ७ सय २५ जनाको पीसीआर परीक्षण गरिएको छ । ती मध्ये १ सय २२ महिला र १ सय ४४ पुरुषको रिपोर्ट पोजेटिभ आएको सामाजिक विकास मन्त्रालयले जनाएको छ ।
