यस्तो छ आज सम्मको धनकुटाको कोरोनाको विबरण
धनकुटा, ३१ बैशाख । नयाँ भेरियन्ट सहितको दोस्रो लहर शुरु भए यता धनकुटा जिल्लामा कन्ट््रट्रेसिङ्ग र जिल्ला भित्रका अस्पतालमा उपचारका लागि आएका बिरामीमा गरिएको पि.सि.आर.परिक्षणमा २४७ जनामा कोरोना संक्रमण पुष्टि भएको छ ।
जस मध्ये धनकुटा नगरपालिकाका मात्र १०४ जनामा कोरोना संक्रमण पुष्ठी भएको धनकुटा नगरपालिका स्वास्थ्य प्रमुख भोजराज भण्डारीले बताउनु भएको छ ।
१०४ मध्ये ५ बर्ष उमेर सम्मका २ जना, ६ देखी २० बर्ष उमेर सम्मका ११ जना, २१ देखि ६० बर्ष उमेरका सम्मका ८० जना र ६१ देखि माथिका उमेर सम्मका ११ जना रहेको छ । जस मध्ये पुरुष ४६ र महिला ५८ रहेको छ ।
भण्डारीका अनुसार ७८ जना होम आइसोलेशनमा, ४ जना अस्पतालको आइसोलेशनमा, २ जना आई.सि.यूमा र २० जना निको भै सकेको बताउनु भएको छ ।
वडा अनुसार धनकुटा नगरपालिका वडा नं ६ मा ४१ जना , वडा नं ७ मा १५ जना, वडा नं ४ मा १० जना, वडा नं २ मा ७ जना, वडा नं १ मा ५ जना, वडा नं ५ मा ४ जना, वडा नं ८ मा २ जना, वडा नं ३ र १० मा १,१ जना र अन्य १८ जना रहेका छन् ।नगरपालिका भित्र २३८ जनामा पि.सि.आर परिक्षणका लागि स्वाब लिईएको थियो ।
यसै गरि दोस्रो लहर शुरु भए यता शुक्रबार सम्म धनकुटा जिल्लामा ६५७ जनाकोे पि.सि.आर.परिक्षण गर्दा २४७ जना कोरोना संक्रमण पुष्ठी भएको धनकुटा अस्पतालका सुचना प्रमुख राजन पोख्रोलले बताउनु भएको छ । निको हुनेको संख्या २० जना रहेको छ ।
