राप्रपा महामन्त्रीमा रेखा थापा हारिन्, कुन्ती शाही विजयी
काठमाडौं । राष्ट्रिय प्रजातन्त्र पार्टीको महामन्त्रीमा महिलातर्फ कुन्तीकुमारी शाही विजयी भएकी छन् । कुन्तीले नायिका रेखा थापालाई हराएकी हुन् ।आइतबार सम्पन्न मतगणनाअनुसार कुन्ती २००८ मत ल्याउँदै विजयी भएकी हुन् । रेखाले १६४० भोट ल्याएकी छन् ।
राप्रपा अध्यक्षमा भने राजेन्द्र लिङ्देन विजयी भइसकेका छन् । रेखाले लिङ्देन प्यानलबाट उम्मेदवारी दर्ता गराएकी थिइन् ।
यी हुन् राप्रपामा निर्वाचित पदाधिकारीहरु : पाण्डेले ल्याए धेरै मत, अरुले कति ?
काठमाडौं । राष्ट्रिय प्रजातन्त्र पार्टीको पदाधिकारीहरुको टुंगो लागेको छ। आइतबार मतगणना सकिएसँगै अध्यक्षसहितका पदाधिकारीहरु टुंगिएका हुन्।अध्यमामा हारेका कमल थापा पक्षले पदाधिकारीमा राम्रो अवस्था हासिल गरेको छ। भर्खरै घोषणा भएको परिणाम अनुसार उपाध्यक्ष र महामन्त्रीमा थापा पक्षधर उम्मेदवारहरु विजयी भएका छन्।
पार्टीको खुल्ला उपाध्यक्षमा विक्रम पाण्डे सर्वाधिक मत ल्याएर विजयी भएका छन् । दुवै प्यानलमा समेटिएका उनले २५२१ भोट ल्याए । यसैगरी कमल थापा प्यानलबाट उठेका बुद्धिमान तामाङ १९४४ भोट ल्याएर विजयी भएका छन् भन् सोही प्यानलमा ध्रुवबहादुर प्रधान १८१४ भोट ल्याएर विजयी भएका छन् ।महिला उपाध्यक्षमा रोशन कार्की १६८९ भोट ल्याएर विजयी भएकी छन् । उनी पनि कमल थापा पक्षकी हुन् । महामन्त्रीको प्रतिस्पर्धामा लिङदेन पक्षका धवलशम्शेर राणाले सर्वाधिक २२२१ भोट ल्याएर विजयी भएका छन् । यसैगरि थापा पक्षकै भुवन पाठकले १८०५ भोट ल्याएर जित हासिल गरे ।
महिला महामन्त्रीतर्फ थापा समूहकी कुन्ती शाही विजयी भइन् । उनले २००८ मत ल्याएकी छन् । महिला महामन्त्रीमा रेखा थापा पराजित भएकी छन् । उनल १६४० भोट ल्याइन् ।
